حجاب آنے لگا اب تو بلائے آسمانی کو

حجاب آنے لگا اب تو بلائے آسمانی کو

خدا رکھے سلامت تیرے ناز باغبانی کو

مقید جو رکھے لفظوں کی دنیا میں معانی کو

سلام اس شعر گوئی کو سلام اس شعر خوانی کو

محبت کردگار غم ہے غم تخلیق کرتی ہے

محبت کرنے والے بھول جائیں شادمانی کو

شکایت تو محبت ہی کا اک طبعی نتیجہ ہے

محبت ہی ہوا دیتی ہے ہر اک بد گمانی کو

ہمیں زلفوں کے سائے میں میسر کس طرح ہوتی

اک ایسی دھوپ جو سرگرم رکھتی نوجوانی کو

غم دنیا تو کیا احساںؔ غم جاناں نے کب بخشا

اک ایسا درد جو بیدار کر دے زندگانی کو

گریباں چاک ہے احسانؔ تو فکر رفو کیوں ہے

کوئی برباد کرتا ہے محبت کی نشانی کو

hijab ane laga ab to bala-e-asmani ko

khuda rakhe salamat tere naz-e-baghbani ko

muqayyad jo rakhe lafzon ki duniya mein maani ko

salam is sher goi ko salam is sher khwani ko

mohabbat kirdagar-e-gham hai gham takhliq karti hai

mohabbat karne wale bhul jaen shadmani ko

shikayat to mohabbat hi ka ik tabai natija hai

mohabbat hi hua deti hai har ik bad gumani ko

hamen zulfon ke sae mein muyassar kis tarah hoti

ik aisi dhup jo sargarm rakhti naujawani ko

gham-e-duniya to kya ehsan gham-e-janan ne kab bakhsha

ik aisa dard jo bedar kar de zindagani ko

gareban chak hai ehsan to fikr-e-rafu kyun hai

koi barbad karta hai mohabbat ki nishani ko