میں تخلیق شرر کرتا ہوں اپنے سوز پنہاں سے
Ehsan Darbhangavi (1922–1998)میں تخلیق شرر کرتا ہوں اپنے سوز پنہاں سے
میں پروانہ نہیں جو آگ لوں ہر شمع سوزاں سے
کیا وحشت نے عقل و عشق میں اک ربط نو پیدا
گئے وہ دن کے دیوانے الجھتے تھے گریباں سے
نہ جانے امتحاں ہے آج کس کی نا خدائی کا
کہ جو بھی موج اٹھتی ہے وہ بڑھ جاتی ہے طوفاں سے
کشش منزل کی دامن کھینچتی تھی ورنہ مشکل تھا
گزرنا فصل گل میں بے نیازانہ گلستاں سے
کہیں کیا ہم کہاں آ کے ترے وحشی نے دم توڑا
خرد سمجھا بجھا کے لے تو آئی تھی بیاباں سے
بقول استاد کے احساںؔ ہے سونا دل کا کاشانہ
چلو تھوڑی سی رونق مانگ لائیں بزم جاناں سے
main takhliq-e-sharar karta hun apne soz-e-pinhan se
main parwana nahin jo ag lun har sham-e-sozan se
kiya wahshat ne aql-o-ishq mein ik rabt-e-nau paida
gae wo din ke diwane ulajhte the gareban se
na jane imtihan hai aj kis ki na khudai ka
ke jo bhi mauj uthti hai wo barh jati hai tufan se
kashish manzil ki daman khinchti thi warna mushkil tha
guzarna fasl-e-gul mein be niyazana gulistan se
kahen kya ham kahan a ke tire wahshi ne dam tora
khirad samjha bujha ke le to ai thi bayaban se
baqaul ustad ke ehsan hai sona dil ka kashana
chalo thori si raunaq mang laen bazm-e-janan se