دل اب اسیر زلف پریشاں نہیں رہا

دل اب اسیر زلف پریشاں نہیں رہا

جب اپنا غم ہوا غم جاناں نہیں رہا

شاخیں کچھ اس طرح سے جھک آئیں مری طرف

مجھ کو لحاظ تنگیٔ داماں نہیں رہا

مشکل یہ آ پڑی ہے کہ داماں نہیں رہا

عقل و جنوں میں صلح کرا دی خزاں نے پھر

گلشن میں کوئی چاک گریباں نہیں رہا

اے پاسبان پردۂ اوہام ہوشیار

دیر و حرم کی قید میں انساں نہیں رہا

وہ ولولے ہیں اب نہ تبسم نہ قہقہے

جس سے ملے تھے آپ وہ احساںؔ نہیں رہا

dil ab asir-e-zulf-e-pareshan nahin raha

jab apna gham hua gham-e-janan nahin raha

shakhen kuchh is tarah se jhuk aen miri taraf

mujh ko lihaz tangi-e-daman nahin raha

mushkil ye a pari hai ke daman nahin raha

aql-o-junun mein sulh kara di khizan ne phir

gulshan mein koi chak-e-gareban nahin raha

ai pasban parda-e-auham hoshyar

dair-o-haram ki qaid mein insan nahin raha

wo walwale hain ab na tabassum na qahqahe

jis se mile the ap wo ehsan nahin raha