زمیں کا بوجھ اور اس پر یہ آسمان کا بوجھ

زمیں کا بوجھ اور اس پر یہ آسمان کا بوجھ

اتار پھینک دوں کاندھوں سے دو جہان کا بوجھ

پڑا ہوا ہوں میں سجدے میں کہہ نہیں پاتا

وہ بات جس سے کہ ہلکا ہو کچھ زبان کا بوجھ

پھر اس کے بعد اٹھاؤں گا اپنے آپ کو میں

اٹھا رہا ہوں ابھی اپنے خاندان کا بوجھ

دبی تھی آنکھ کبھی جس مکان حیرت سے

اب اس مکاں سے زیادہ ہے لا مکان کا بوجھ

اگر دماغ ستارہ ہے ٹوٹ جائے گا

چمک چمک کے اٹھاتا ہے آسمان کا بوجھ

تو جھریوں نے لکھا اور کیا اٹھاؤ گے

اٹھایا جاتا نہیں تم سے جسم و جان کا بوجھ

پلٹ کے آئی جو غفلت کے اس کرے سے نگہ

تو سلوٹوں میں پڑا تھا مری تھکان کا بوجھ

جو عمر بیت گئی اس کو بھول جاؤں رضاؔ

پر خیال سے جھٹکوں گئی اڑان کا بوجھ

zamin ka bojh aur us par ye asman ka bojh

utar phenk dun kandhon se do jahan ka bojh

para hua hun main sajde mein kah nahin pata

wo bat jis se ke halka ho kuchh zaban ka bojh

phir is ke baad uthaunga apne ap ko main

utha raha hun abhi apne khandan ka bojh

dabi thi ankh kabhi jis makan-e-hairat se

ab is makan se ziyada hai la makan ka bojh

agar dimagh sitara hai tut jaega

chamak chamak ke uthata hai asman ka bojh

tu jhiriyon ne likha aur kiya uthaoge

uthaya jata nahin tum se jism-o-jan ka bojh

palat ke ai jo ghaflat ke is kare se nigah

tu saluton mein para tha miri thakan ka bojh

jo umr bit gai us ko bhul jaun raza

par khayal se jhatkun gai uran ka bojh