عقب میں درمیاں اور سامنے والی نشستوں پر

عقب میں درمیاں اور سامنے والی نشستوں پر

جہاں دیکھا وہاں تھے آپ ہی ساری نشستوں پر

وہ جب اسٹیج پر آیا تو پیچھے بیٹھنے والے

چلے آئے قطاریں توڑ کر اگلی نشستوں پر

خبر ہی نہ ملی ان کو تماشا ختم ہونے کی

تماشائی جھگڑتے رہ گئے خالی نشستوں پر

گلے میں دل اچھل کر آ گیا سب اہل محفل کا

جب اس نے بے نیازی سے نظر ڈالی نشستوں پر

انہیں ہر حکم سن کر شاہ کی تائید کرنی تھی

ریاضت کاٹ کر پہنچے جو درباری نشستوں پر

یہاں پر ہر کسی کو حکمراں ہونے کی خواہش ہے

نظر حزب مخالف کی ہے سرکاری نشستوں پر

جو دیکھی زیست کے اسٹیج پر اپنی اداکاری

میں رویا باری باری بیٹھ کر خالی نشستوں پر

حسنؔ ہم کو بھی اپنی شاعری پر داد مل جاتی

ہمارے دوست جا کر سو گئے پچھلی نشستوں پر

aqab mein darmiyan aur samne wali nashiston par

jahan dekha wahan the ap hi sari nashiston par

wo jab istej par aya to pichhe baithne wale

chale ae qataren tor kar agli nashiston par

khabar hi na mili un ko tamasha khatm hone ki

tamashai jhagarte rah gae khali nashiston par

gale mein dil uchhal kar a gaya sab ahl-e-mahfil ka

jab us ne be niyazi se nazar dali nashiston par

unhen har hukm sun kar shah ki taid karni thi

riyazat kat kar pahunche jo darbari nashiston par

yahan par har kisi ko hukmaran hone ki khwahish hai

nazar hizb-e-mukhalif ki hai sarkari nashiston par

jo dekhi zist ke istej par apni adakari

main roya bari bari baith kar khali nashiston par

husn ham ko bhi apni shayari par dad mil jati

hamare dost ja kar so gae pichhli nashiston par