بیٹھ کر ایک ڈال پر فی الحال

بیٹھ کر ایک ڈال پر فی الحال

اے پرندے نکال پر فی الحال

بات دیکھیں کہاں پہنچتی ہے

زور ہے حال چال پر فی الحال

دکھ سمجھنا پڑے گا بچے کا

پہلا آنسو ہے گال پر فی الحال

فکر نان جویں کا غلبہ ہے

اپنے ہر اک خیال پر فی الحال

ڈھل گیا ہے عروج کا موسم

ہے بلندی زوال پر فی الحال

اس کی انمول چاہتوں کا ادھار

ہے مرے بال بال پر فی الحال

ہم تو چھوڑ آئے تھے چمن تیرا

کون ہے دیکھ بھال پر فی الحال

اک پرندے نے دوسرے سے کہا

چل اترتے ہیں جال پر فی الحال

دھڑکنیں منہ کو آ رہی ہیں حسنؔ

دل نہیں اعتدال پر فی الحال

baith kar ek dal par filhal

ai parinde nikal par filhal

bat dekhen kahan pahunchti hai

zor hai hal chal par filhal

dukh samajhna parega bachche ka

pahla ansu hai gal par filhal

fikr nan-e-jawin ka ghalba hai

apne har ik khayal par filhal

dhal gaya hai uruj ka mausam

hai bulandi zawal par filhal

us ki anmol chahaton ka udhar

hai mire bal bal par filhal

ham to chhor ae the chaman tera

kaun hai dekh bhal par filhal

ik parinde ne dusre se kaha

chal utarte hain jal par filhal

dharkanen munh ko a rahi hain husn

dil nahin etidal par filhal