کہنے لگا کھلتے ہوئے دروازہ ہوا سے
Ehtisham Hasan (b. 1969)کہنے لگا کھلتے ہوئے دروازہ ہوا سے
یہ پہلا تعارف ہے مرا تازہ ہوا سے
پھر چوم گئیں پھول کے رخسار ہوائیں
پھر پھول کے چہرے پہ لگا غازہ ہوا سے
خوشبو کا سراپا ہے کہ پھولوں کی ہے ترکیب
وہ آئے تو ہو جاتا ہے اندازہ ہوا سے
رکھتے ہیں منڈیروں پہ دئے اپنے جلا کر
ہم نے کبھی پوچھا نہیں خمیازہ ہوا سے
کل رات دریچوں میں کوئی اور نہیں تھا
بکھرا تھا خیالات کا شیرازہ ہوا سے
کہنا ہے اسے جو بھی حسنؔ فون پہ کہہ دو
اب تیز ہے رفتار میں آوازہ ہوا سے
kahne laga khulte hue darwaza hawa se
ye pahla taaruf hai mira taza hawa se
phir chum gain phul ke rukhsar hawaen
phir phul ke chehre pe laga ghaza hawa se
khushbu ka sarapa hai ke phulon ki hai tarkib
wo ae to ho jata hai andaza hawa se
rakhte hain munderon pe diye apne jala kar
ham ne kabhi puchha nahin khamyaza hawa se
kal rat darichon mein koi aur nahin tha
bikhra tha khayalat ka shiraza hawa se
kahna hai use jo bhi husn fon pe kah do
ab tez hai raftar mein awaza hawa se