آنکھوں میں اشک اور نہ لبوں پر ہنسی رہی

آنکھوں میں اشک اور نہ لبوں پر ہنسی رہی

دنیا ہمارے حال کو چپ دیکھتی رہی

برسوں ہمارے ساتھ رواں زندگی رہی

آخر کو اجنبی کی وہی اجنبی رہی

تجھ کو جنہوں نے صاحب محفل بنا دیا

محفل میں تیری صرف انہیں کی کمی رہی

بیٹھے تو ایک پیکر فتنہ بنے رہے

اٹھے تو آ کے ساتھ قیامت کھڑی ہوئی

اہل جنوں تو اس سے بھی آگے نکل گئے

منزل کے فاصلوں کو خرد ناپتی رہی

دنیا کو ٹھوکروں میں رکھا جس نے دوستو

قدموں میں ایسے شخص کے دنیا پڑی رہی

خاموش ہم بھی سنتے رہے اپنی داستاں

دنیا بغیر نام لئے بولتی رہی

جب سے غموں کی بھیڑ میں ہم کھو گئے نصیبؔ

اس روز سے خوشی بھی ہمیں ڈھونڈھتی رہی

ankhon mein ashk aur na labon par hansi rahi

duniya hamare hal ko chup dekhti rahi

barson hamare sath rawan zindagi rahi

akhir ko ajnabi ki wahi ajnabi rahi

tujh ko jinhon ne sahab-e-mahfil bana diya

mahfil mein teri sirf unhen ki kami rahi

baithe to ek paikar-e-fitna bane rahe

uthe to a ke sath qayamat khari hui

ahl-e-junun to us se bhi age nikal gae

manzil ke faslon ko khirad napti rahi

duniya ko thokaron mein rakha jis ne dosto

qadmon mein aise shakhs ke duniya pari rahi

khamosh ham bhi sunte rahe apni dastan

duniya baghair nam liye bolti rahi

jab se ghamon ki bhir mein ham kho gae nasib

us roz se khushi bhi hamen dhundhti rahi