دل نے سبو تو آنکھ نے ساغر اٹھا لیا

دل نے سبو تو آنکھ نے ساغر اٹھا لیا

دونوں نے اپنا اپنا مقدر اٹھا لیا

ماضی کا پھول حال کا پتھر اٹھا لیا

جو مل گیا غزل کی زمیں پر اٹھا لیا

مجبوریوں کا اس کی کچھ اندازہ کیجئے

کانٹے کو جس نے پھول سمجھ کر اٹھا لیا

اتنی چمک تھی اشک غم روزگار میں

ہر قطرے کو سمجھ کے میں گوہر اٹھا لیا

کیوں لغزش قدم کو میں اپنی دعا نہ دوں

مجھ کو کسی نے ہاتھ بڑھا کر اٹھا لیا

جب بجھ سکی نہ پیاس تو پیاسی نگاہ نے

آنکھوں میں بند کر کے سمندر اٹھا لیا

جس سے نہ اٹھ سکی کبھی اک شاخ گل نصیبؔ

حیرت ہے ایسے ہاتھ نے خنجر اٹھا لیا

dil ne subu to ankh ne saghar utha liya

donon ne apna apna muqaddar utha liya

mazi ka phul hal ka patthar utha liya

jo mil gaya ghazal ki zamin par utha liya

majburiyon ka us ki kuchh andaza kijiye

kante ko jis ne phul samajh kar utha liya

itni chamak thi ashk-e-gham-e-rozgar mein

har qatre ko samajh ke main gauhar utha liya

kyun laghzish-e-qadam ko main apni dua na dun

mujh ko kisi ne hath barha kar utha liya

jab bujh saki na pyas to pyasi nigah ne

ankhon mein band kar ke samundar utha liya

jis se na uth saki kabhi ik shakh-e-gul nasib

hairat hai aise hath ne khanjar utha liya