سفر کی شرط پہ جو بھی بنی گزاری ہے

سفر کی شرط پہ جو بھی بنی گزاری ہے

بدل بدل کے جگہ زندگی گزاری ہے

کوئی سلاخ نشیں سر اٹھا کے دیکھے گا

دریچے سے کسی نے روشنی گزاری ہے

کسی اضافے کی مجھ میں نہیں ہے گنجائش

بدن سمیٹنے میں زندگی گزاری ہے

پکارنا کسی کا حکم لگ رہا تھا مجھے

بس ایک تنکے پہ میں نے ندی گزاری ہے

زمانؔ کیسا چمکدار ہے ہنر تیرا

کہ تو نے خشک بدن سے نمی گزاری ہے

safar ki shart pe jo bhi bani guzari hai

badal badal ke jagah zindagi guzari hai

koi salakh nashin sar utha ke dekhega

dariche se kisi ne raushni guzari hai

kisi izafe ki mujh mein nahin hai gunjaish

badan sametne mein zindagi guzari hai

pukarna kisi ka hukm lag raha tha mujhe

bas ek tinke pe main ne nadi guzari hai

zaman kaisa chamakdar hai hunar tera

ke tu ne khushk badan se nami guzari hai