کھوج کی اور نشاں سے کود گیا

کھوج کی اور نشاں سے کود گیا

میں کہاں تھا کہاں سے کود گیا

ہاں یہ رفتار کی نئی حد ہے

ہاں یقیں اس گماں سے کود گیا

چلتے چلتے پہنچ گیا تھا یہاں

رکتے رکتے یہاں سے کود گیا

آسمانوں پہ رہنے والا بھی

ایک دن آسماں سے کود گیا

عقل تھی عشق تھا جنوں تھا جو

مجھ سے پہلے وہاں سے کود گیا

اپنی گہرائی ناپنی تھی مجھے

سو میں کوہ زماں سے کود گیا

khoj ki aur nishan se kud gaya

main kahan tha kahan se kud gaya

han ye raftar ki nai had hai

han yaqin is guman se kud gaya

chalte chalte pahunch gaya tha yahan

rukte rukte yahan se kud gaya

asmanon pe rahne wala bhi

ek din asman se kud gaya

aql thi ishq tha junun tha jo

mujh se pahle wahan se kud gaya

apni gahrai napni thi mujhe

so main koh-e-zaman se kud gaya