یہ ہنر تو تری تخلیق کی تشہیر سے ہے

یہ ہنر تو تری تخلیق کی تشہیر سے ہے

کوئی دیوار سے ہے اور کوئی تصویر سے ہے

اس کے انکار سے زندان کی بو آئے گی

اس کے لہجے میں توازن کسی زنجیر سے ہے

آپ کا اور مرا کیا کوئی تعارف بھی نہیں

جو یہاں ہو رہا ہے کیا سبھی تقدیر سے ہے

جب تو چمکا تو ضیا بانٹی گئی دنیا میں

روشنی کو بھی بصارت تری تنویر سے ہے

باپ نے بچوں کو اس طرح نشاں بتلائے

یہ وراثت سے ملی اور یہ شمشیر سے ہے

ربط ترتیب کی اک شکل ہے جیسے کہ زمانؔ

نیند کو خواب سے ہے خواب کو تعبیر سے ہے

ye hunar to tiri takhliq ki tashhir se hai

koi diwar se hai aur koi taswir se hai

us ke inkar se zindan ki bu aegi

us ke lahje mein tawazun kisi zanjir se hai

ap ka aur mira kya koi taaruf bhi nahin

jo yahan ho raha hai kya sabhi taqdir se hai

jab to chamka to ziya banti gai duniya mein

raushni ko bhi basarat tiri tanwir se hai

bap ne bachchon ko is tarah nishan batlae

ye wirasat se mili aur ye shamshir se hai

rabt tartib ki ik shakl hai jaise ke zaman

nind ko khwab se hai khwab ko taabir se hai