اک سانس جدا کھینچ اگر کھینچ سکے تو

اک سانس جدا کھینچ اگر کھینچ سکے تو

اس گرد میں آ کھینچ اگر کھینچ سکے تو

جب آخری سر کاٹا تو کہنے لگا مجھ سے

اب سرخ ہوا کھینچ اگر کھینچ سکے تو

وہ ہاتھ چھڑاتا ہی رہا تا دم آخر

میں کہتا رہا کھینچ اگر کھینچ سکے تو

ہم رات کے پیرائے میں محدود نہیں ہیں

کچھ خواب ذرا کھینچ اگر کھینچ سکے تو

انصاف نہیں شور اگلتی ہے مرے دوست

زنجیر انا کھینچ اگر کھینچ سکے تو

ik sans juda khinch agar khinch sake to

is gard mein a khinch agar khinch sake to

jab akhiri sar kata to kahne laga mujh se

ab surkh hua khinch agar khinch sake to

wo hath chhurata hi raha ta dam-e-akhir

main kahta raha khinch agar khinch sake to

ham rat ke pairae mein mahdud nahin hain

kuchh khwab zara khinch agar khinch sake to

insaf nahin shor ugalti hai mire dost

zanjir ana khinch agar khinch sake to