پیڑ سوکھا حرف کا اور فاختائیں مر گئیں

پیڑ سوکھا حرف کا اور فاختائیں مر گئیں

لب نہ کھولے تو گھٹن سے سب دعائیں مر گئیں

ایک دن اپنا صحیفہ مجھ پہ نازل ہو گیا

اس کو پڑھتے ہی مری ساری خطائیں مر گئیں

یاد کی گدڑی کو میں نے ایک دن پہنا نہیں

ایک دن کے ہجر میں ساری بلائیں مر گئیں

میں نے مستقبل میں جا کر ایک لمبی سانس لی

پھر مرے ماضی کی سب حاسد ہوائیں مر گئیں

میں نے کیا سوچا تھا ان کے واسطے اور کیا ہوا

میرے چپ ہونے سے اندر کی صدائیں مر گئیں

اس طرف مٹی تھی میرے اس طرف اک نور تھا

میں جیا میرے لیے دو انتہائیں مر گئیں

per sukha harf ka aur fakhtaen mar gain

lab na khole to ghutan se sab duaen mar gain

ek din apna sahifa mujh pe nazil ho gaya

us ko parhte hi miri sari khataen mar gain

yad ki gadri ko main ne ek din pahna nahin

ek din ke hijr mein sari balaen mar gain

main ne mustaqbil mein ja kar ek lambi sans li

phir mire mazi ki sab hasid hawaen mar gain

main ne kya socha tha un ke waste aur kya hua

mere chup hone se andar ki sadaen mar gain

is taraf mitti thi mere is taraf ik nur tha

main jiya mere liye do intihaen mar gain