میں گام گام پہ جو سانس سانس مرتا ہوں

میں گام گام پہ جو سانس سانس مرتا ہوں

یہ زندگی وہ تکبر ہے جو میں کرتا ہوں

صراط ہجر خط مستقیم ہوتا ہے

میں ایک پر چلوں تو دونوں سے گزرتا ہوں

یہ شش جہات مرے شانوں پر ٹھہرتے ہیں

یہ نقش بعد میں ہے پہلے میں ابھرتا ہوں

عجیب خوف ہے یکسانیت سے بڑھتا ہے

تمام رات میں لوگوں کی طرح ڈرتا ہوں

جناب نے من و سلویٰ سمجھ لیا ہے مجھے

جو آسمان سے ان کے لیے اترتا ہوں

کوئی نفیس لبادہ ہی زیب تن کر دو

میں اچھے کپڑے پہن کر اگر سنورتا ہوں

main gam gam pe jo sans sans marta hun

ye zindagi wo takabbur hai jo main karta hun

sirat-e-hijr-e-khat mustaqim hota hai

main ek par chalun to donon se guzarta hun

ye shash jihat mire shanon par thaharte hain

ye naqsh baad mein hai pahle main ubharta hun

ajib khauf hai yaksaniyyat se barhta hai

tamam rat mein logon ki tarah darta hun

janab ne man-o-salwa samajh liya hai mujhe

jo asman se un ke liye utarta hun

koi nafis labada hi zeb tan kar do

main achchhe kapre pahan kar agar sanwarta hun