برق رفتار ہم بھی دیکھتے ہیں

برق رفتار ہم بھی دیکھتے ہیں

تو ہمیں مار ہم بھی دیکھتے ہیں

کیا لکھا ہے جو پڑھتے رہتے ہو

آج اخبار ہم بھی دیکھتے ہیں

اس قدر مت برائی کی جائے

تیرے بے کار ہم بھی دیکھتے ہیں

مسئلہ اس کو پار کرنا ہے

ورنہ دیوار ہم بھی دیکھتے ہیں

کتنا پانی ہے اور کتنے اشک

کیا ہے معیار ہم بھی دیکھتے ہیں

ایک بھی فاحشہ نہیں موجود

خشک بازار ہم بھی دیکھتے ہیں

دائرے کو غلط بنائے گا

اس کا پرکار ہم بھی دیکھتے ہیں

barq raftar ham bhi dekhte hain

tu hamen mar ham bhi dekhte hain

kya likha hai jo parhte rahte ho

aj akhbar ham bhi dekhte hain

is qadar mat burai ki jae

tere be kar ham bhi dekhte hain

masala us ko par karna hai

warna diwar ham bhi dekhte hain

kitna pani hai aur kitne ashk

kya hai meyar ham bhi dekhte hain

ek bhi fahisha nahin maujud

khushk bazar ham bhi dekhte hain

daire ko ghalat banaega

us ka parkar ham bhi dekhte hain