اوصاف آب کے ہیں تو تاثیر آگ کی

اوصاف آب کے ہیں تو تاثیر آگ کی

ہر زاویے سے کھینچ لی تصویر آگ کی

کس روشنی کے ہاتھ ہے تسکین کا خراج

جلتی ہے ہر چراغ میں تقدیر آگ کی

صحرا کے حرف حرف میں پانی کا انتظار

پھولوں کے لفظ لفظ میں تشہیر آگ کی

جا پوچھ انجماد کے نقطے سے خصلتیں

عجلت شعار برف کا تاخیر آگ کی

اترے ہیں سات رنگ اسی فکر گاہ پر

سوجھی تھی آٹھویں کو بھی تدبیر آگ کی

اب تک مری زباں پہ ہیں چھالے پڑے ہوئے

پوچھی تھی ایک شخص نے تفسیر آگ کی

ausaf ab ke hain to tasir ag ki

har zawiye se khinch li taswir ag ki

kis raushni ke hath hai taskin ka khiraj

jalti hai har charagh mein taqdir ag ki

sahra ke harf harf mein pani ka intizar

phulon ke lafz lafz mein tashhir ag ki

ja puchh injimad ke nuqte se khaslaten

ujlat shiar barf ka takhir ag ki

utre hain sat rang isi fikr gah par

sujhi thi athwen ko bhi tadbir ag ki

ab tak miri zaban pe hain chhale pare hue

puchhi thi ek shakhs ne tafsir ag ki