وہ شور تھا کہ لفظ نہیں ہے زبان پر

وہ شور تھا کہ لفظ نہیں ہے زبان پر

آواز قتل ہونے لگی حرف دان پر

میں حالت خمیر میں سب دیکھتا رہا

کیا کیا گزر رہا تھا مری ایک جان پر

جنگل میں اس لئے ہیں شکاری چھپے ہوئے

بیٹھا ہوا ہے کوئی درندہ مچان پر

کھلنے میں تھوڑی دیر لگے گی یہ راز بھی

کھدر لپیٹ بیٹھا ہوں ریشم کے تھان پر

اک شکل آئنے کی سواری پہ لاد لی

اک شخص کو سوار کیا اپنے دھیان پر

wo shor tha ke lafz nahin hai zaban par

awaz qatl hone lagi harf dan par

main halat-e-khamir mein sab dekhta raha

kya kya guzar raha tha miri ek jan par

jangal mein is liye hain shikari chhupe hue

baitha hua hai koi darinda machan par

khulne mein thori der lagegi ye raz bhi

khaddar lapet baitha hun resham ke than par

ik shakl aine ki sawari pe lad li

ik shakhs ko sawar kiya apne dhyan par