کس کس کو زیر آب ہوا کی تلاش ہے

کس کس کو زیر آب ہوا کی تلاش ہے

کہتا ہے ہر حباب ہوا کی تلاش ہے

اس واسطے بگاڑ رہا ہوں غزل کو میں

احساس کو خراب ہوا کی تلاش ہے

سر پر پڑی ہوئی ہیں زمانے کی سختیاں

اس گرد کو جناب ہوا کی تلاش ہے

ہر سطر زندگی پہ ہے لکھا ہوا گھٹن

میرا سبھی نصاب ہوا کی تلاش ہے

کب سے بھٹک رہا ہے مری چشم حبس میں

کیا تجھ کو بھی اے خواب ہوا کی تلاش ہے

فتویٰ گران شہر ستم میں ہمیں زمانؔ

مرہم دعا شراب ہوا کی تلاش ہے

kis kis ko zer-e-ab hawa ki talash hai

kahta hai har habab hawa ki talash hai

is waste bigar raha hun ghazal ko main

ehsas ko kharab hawa ki talash hai

sar par pari hui hain zamane ki sakhtiyan

is gard ko janab hawa ki talash hai

har satr zindagi pe hai likha hua ghutan

mera sabhi nisab hawa ki talash hai

kab se bhatak raha hai miri chashm-e-habs mein

kya tujh ko bhi ai khwab hawa ki talash hai

fatwa garin shahr-e-sitam mein hamen zaman

marham dua sharab hawa ki talash hai