خواب میں یا خیال میں مجھے مل

خواب میں یا خیال میں مجھے مل

تو کبھی خد و خال میں مجھے مل

میرے دل کی دھمال میں مجھے دیکھ

میرے سر میری تال میں مجھے مل

میری مٹی کو آنکھ دی ہے تو پھر

کسی موج وصال میں مجھے مل

مجھے کیوں عرصۂ حیات دیا

اب انہیں ماہ و سال میں مجھے مل

کسی صبح فراق میں مجھے چھوڑ

کسی شام ملال میں مجھے مل

تو خود اپنی مثال ہے وہ تو ہے

اسی اپنی مثال میں مجھے مل

تیرے شایان شاں ہے وصف یہی

کسی وقت محال میں مجھے مل

میرے کل کا پتہ نہیں میری جاں

تو ابھی میرے حال میں مجھے مل

مجھے مل کے عروج دے یا نہ دے

میرے وقت زوال میں مجھے مل

khwab mein ya khayal mein mujhe mil

tu kabhi khad-o-khal mein mujhe mil

mere dil ki dhamal mein mujhe dekh

mere sar meri tal mein mujhe mil

meri mitti ko ankh di hai to phir

kisi mauj-e-wisal mein mujhe mil

mujhe kyun arsa-e-hayat diya

ab unhen mah-o-sal mein mujhe mil

kisi subh-e-firaq mein mujhe chhor

kisi sham-e-malal mein mujhe mil

tu khud apni misal hai wo to hai

isi apni misal mein mujhe mil

tere shayan-e-shan hai wasf yahi

kisi waqt-e-muhal mein mujhe mil

mere kal ka pata nahin meri jan

tu abhi mere hal mein mujhe mil

mujhe mil ke uruj de ya na de

mere waqt-e-zawal mein mujhe mil