گر صبح دم وہ خوش گلو خوش خو نکل پڑے

گر صبح دم وہ خوش گلو خوش خو نکل پڑے

پھولوں کو چھوڑ چھاڑ کے خوشبو نکل پڑے

تیری گلی ہو لوگ ہوں گھنگھرو پہن کے میں

ایڑی گھما کے رقص کروں تو نکل پڑے

اس نے کسی غزل میں سہارے کی بات کی

چاروں طرف سے کتنے ہی بازو نکل پڑے

ہم بادہ خوار اہل سبو سکھ کا سانس لیں

واعظ کی جیب سے کہیں دارو نکل پڑے

خواہش ہے میں خرید لوں غالبؔ کا خستہ گھر

اور معجزہ ہو صحن سے اردو نکل پڑے

اس گل بدن نے شاخ کو دیکھا جو پیار سے

پتوں پہ آنکھیں بن گئیں ابرو نکل پڑے

دانشؔ بقائے عشق کا منشور تھام کر

وارث نکل پڑے ,کبھی باہو نکل پڑے

gar subh dam wo khush galo khush khu nikal pare

phulon ko chhor chhar ke khushbu nikal pare

teri gali ho log hun ghunghru pahan ke main

eri ghuma ke raqs karun to nikal pare

us ne kisi ghazal mein sahare ki bat ki

charon taraf se kitne hi bazu nikal pare

ham bada khwar ahl-e-subu sukh ka sans len

waiz ki jeb se kahin daru nikal pare

khwahish hai main kharid lun ghalib ka khasta ghar

aur mojiza ho sehn se urdu nikal pare

us gul badan ne shakh ko dekha jo pyar se

patton pe ankhen ban gain abru nikal pare

danish baqa-e-ishq ka manshur tham kar

waris nikal pare,kabhi bahu nikal pare