بے شمارو میرے یارو الوداع

بے شمارو میرے یارو الوداع

مرغ زارو چاند تارو الوداع

میں چلا آرام کرنے کچھ گھڑی

بے سکونو بے‌ قرارو الوداع

اب رہوں گا نفرتوں کے شہر میں

چاہتوں کے دعوہ دارو الوداع

خوب گزری جو بھی گزری ساتھ میں

غم کے مارو رشتہ دارو الوداع

اے مری ہر رات کے ہم راہیو

اے ستارو غم گسارو الوداع

موج نے اب ساحلوں کے درمیاں

پھینک ڈالا اے کنارو الوداع

رات کی آغوش ہے اور ہجر ہے

ہوش کے الجھے مدارو الوداع

لو مبارک ہو تمہیں یہ بزم اب

بس کرو اب مت پکارو الوداع

ساز نغمہ جام بزم دوستاں

زیست کے جھوٹے سہارو الوداع

رقص دانشؔ فکر کے دربار میں

اے جنوں کے ٹھیکیدارو الوداع

be shumaro mere yaro alwida

murgh-e-zaro chand taro alwida

main chala aram karne kuchh ghari

be sukuno be qararo alwida

ab rahunga nafraton ke shahr mein

chahaton ke doh daru alwida

khub guzri jo bhi guzri sath mein

gham ke maro rishta daru alwida

ai miri har rat ke ham rahiyo

ai sitaro gham gusaro alwida

mauj ne ab sahilon ke darmiyan

phenk dala ai kanaro alwida

rat ki aghosh hai aur hijr hai

hosh ke uljhe madaro alwida

lo mubarak ho tumhen ye bazm ab

bas karo ab mat pukaro alwida

saz naghma jam-e-bazm-e-dostan

zist ke jhute saharo alwida

raqs danish fikr ke darbar mein

ai junun ke thekedaro alwida