پینے پہ لگا کر پابندی دشنام کی باتیں کرتے ہیں

پینے پہ لگا کر پابندی دشنام کی باتیں کرتے ہیں

یہ زاہد و عابد مسجد میں خود جام کی باتیں کرتے ہیں

کیوں آج ہیں وہ گھبرائے ہوئے الزام کی باتیں کرتے ہیں

آغاز محبت سے پہلے انجام کی باتیں کرتے ہیں

جب میری وفا مشکوک نہیں پھر بات یہ کیسی ہوتی ہے

محفل میں بلا کر آخر کیوں الزام کی باتیں کرتے ہیں

کیا غنچہ و گل سے نسبت ہے بیکار ہے زینت گلشن کی

کانٹوں پہ بسر کرنے والے آرام کی باتیں کرتے ہیں

جب راز محبت کھلنے سے توہین محبت ہوتی ہے

کیوں اشک ندامت آنکھوں میں الزام کی باتیں کرتے ہیں

کس طرح گزارے ہجر کا دن یہ بات نہ پوچھو اخترؔ سے

وہ صبح کی باتیں کیا جانیں جو شام کی باتیں کرتے ہیں

pine pe laga kar pabandi dushnam ki baten karte hain

ye zahid-o-abid masjid mein khud jam ki baten karte hain

kyun aj hain wo ghabrae hue ilzam ki baten karte hain

aghaz-e-mohabbat se pahle anjam ki baten karte hain

jab meri wafa mashkuk nahin phir bat ye kaisi hoti hai

mahfil mein bala kar akhir kyun ilzam ki baten karte hain

kya ghuncha-o-gul se nisbat hai bekar hai zinat gulshan ki

kanton pe basar karne wale aram ki baten karte hain

jab raz-e-mohabbat khulne se tauhin-e-mohabbat hoti hai

kyun ashk-e-nadamat ankhon mein ilzam ki baten karte hain

kis tarah guzare hijr ka din ye bat na puchho akhtar se

wo subh ki baten kya janen jo sham ki baten karte hain