غنچہ و گل کی جستجو نہ رہی

غنچہ و گل کی جستجو نہ رہی

دل میں اب کوئی آرزو نہ رہی

کوئی ایسا بھی ہوگا دنیا میں

جس کو دنیا کی آرزو نہ رہی

کر دیا چشم مست نے مدہوش

حاجت ساغر و سبو نہ رہی

یوں میں بیٹھا ہوں مطمئن ہو کر

جیسے منزل کی جستجو نہ رہی

اب وہ لائے ہیں ساغر و مینا

مے کشی کی جب آرزو نہ رہی

حسرت دید کے سوا اخترؔ

نہ رہی کوئی آرزو نہ رہی

ghuncha-o-gul ki justuju na rahi

dil mein ab koi arzu na rahi

koi aisa bhi hoga duniya mein

jis ko duniya ki arzu na rahi

kar diya chashm-e-mast ne madhosh

hajat-e-saghar-o-subu na rahi

yun main baitha hun mutmain ho kar

jaise manzil ki justuju na rahi

ab wo lae hain saghar-o-mina

mai kashi ki jab arzu na rahi

hasrat-e-did ke siwa akhtar

na rahi koi arzu na rahi