چشم ساقی اگر سلامت ہے

چشم ساقی اگر سلامت ہے

ساغر و مے کی کیا ضرورت ہے

چاک دامن ہے آنکھ ہے پر نم

کیا یہی حاصل محبت ہے

یہ غم دل یہ درد تنہائی

میرے محبوب کی عنایت ہے

حسن مغرور کیا پتا تجھ کو

عاشقوں کا وجود رحمت ہے

الجھنوں اور زلف برہم میں

کوئی کیا جانے کتنی نسبت ہے

میری توبہ کی آج خیر نہیں

ہر ادا حسن کی قیامت ہے

وہ نہ آئے تو ان کی یاد آئی

یہ بھی اخترؔ بہت غنیمت ہے

chashm-e-saqi agar salamat hai

saghar-o-mai ki kya zarurat hai

chak-e-daman hai ankh hai pur nam

kya yahi hasil-e-mohabbat hai

ye gham-e-dil ye dard-e-tanhai

mere mahbub ki inayat hai

husn maghrur kya pata tujh ko

ashiqon ka wajud rahmat hai

uljhanon aur zulf-e-barham mein

koi kya jane kitni nisbat hai

meri tauba ki aj khair nahin

har ada husn ki qayamat hai

wo na ae to un ki yad ai

ye bhi akhtar bahut ghanimat hai