چہار سمت کہیں دائیں بائیں لگتی ہیں

چہار سمت کہیں دائیں بائیں لگتی ہیں

سکوت توڑنا ہو تو صدائیں لگتی ہیں

بزرگ ایسے بھلائی کے پیڑ ہیں جن پر

اگر ثمر نہ لگے تو دعائیں لگتی ہیں

کہ ان کے ہونے سے گھر بھی چہکنے لگتا ہے

مجھے تو بیٹیاں بھی فاختائیں لگتی ہیں

بتایا جائے اگر دل کا درد روکنا ہو

تو ایک ماہ میں کتنی دوائیں لگتی ہیں

ہوں اک پہاڑ کی چوٹی پہ آج کل آباد

میں گھر سے نکلوں تو دل سے گھٹائیں لگتی ہیں

میں اس لیے بھی جلاتا ہوں اپنا دل اعجازؔ

کہ اس دیے کو ذرا کم ہوائیں لگتی ہیں

chahar samt kahin daen baen lagti hain

sukut torna ho to sadaen lagti hain

buzurg aise bhalai ke per hain jin par

agar samar na lage to duaen lagti hain

ke un ke hone se ghar bhi chahakne lagta hai

mujhe to betiyan bhi fakhtaen lagti hain

bataya jae agar dil ka dard rokna ho

to ek mah mein kitni dawaen lagti hain

hun ik pahar ki choti pe aj kal abad

main ghar se niklun to dil se ghataen lagti hain

main is liye bhi jalata hun apna dil ejaz

ke is diye ko zara kam hawaen lagti hain