ہمیں یہ راز سبھی کو بتانا ہوتا ہے

ہمیں یہ راز سبھی کو بتانا ہوتا ہے

نئے کے بعد ہی کوئی پرانا ہوتا ہے

بلا جواز نہیں بولتا ہوں دیر تلک

کہ میں نے بات کو آگے بڑھانا ہوتا ہے

یوں ہی نہیں مری آنکھوں میں اشک لہراتے

کہ ہر کسی نے مرا دل دکھانا ہوتا ہے

یہ منصفین کسی کو بھی حق نہیں دیتے

خدا کا فیصلہ ہی منصفانہ ہوتا ہے

یہ دشت والے میاں ہجر گنگناتے ہیں

ہر ایک خطے کا قومی ترانہ ہوتا ہے

کسی کو دے دی ہے تحفے میں یوسفی کی کتاب

کہ ہم نے کونسا اب مسکرانا ہوتا ہے

ہماری بات وگرنہ کوئی نہیں سنتا

لہٰذا شور تو ہم نے مچانا ہوتا ہے

hamen ye raz sabhi ko batana hota hai

nae ke baad hi koi purana hota hai

bala jawaz nahin bolta hun der talak

ke main ne bat ko age barhana hota hai

yun hi nahin miri ankhon mein ashk lahrate

ke har kisi ne mira dil dikhana hota hai

ye mansiffin kisi ko bhi haq nahin dete

khuda ka faisla hi munsifana hota hai

ye dasht wale miyan hijr gungunate hain

har ek khitte ka qaumi tarana hota hai

kisi ko de di hai tohfe mein yusufi ki kitab

ke ham ne konasa ab muskurana hota hai

hamari bat wagarna koi nahin sunta

lihaza shor to ham ne machana hota hai