ادب سے عاری درندہ صفات لوگوں میں

ادب سے عاری درندہ صفات لوگوں میں

میں بیٹھتا ہی نہیں واہیات لوگوں میں

نہیں طویل مرے آشناؤں کی فہرست

میں جانا جاتا ہوں بس پانچ سات لوگوں میں

خدا کا شکر سخن رائیگاں نہیں میرا

سنی گئی ہے مری بات بات لوگوں میں

مجھے بھی چھوڑ کے جانا ہے ایک روز جہاں

مرا شمار بھی ہے بے ثبات لوگوں میں

مجھے خدا پہ مکمل یقین ہے مرے دوست

میں ڈھونڈھتا نہیں راہ نجات لوگوں میں

یہ عشق میں نے چھپا کر کیا تھا سو اس کی

بیان کیسے کروں مشکلات لوگوں میں

یہ کیا بنا ہوں محبت کا میں شجر صاحب

بکھر گیا ہے مرا پات پات لوگوں میں

adab se ari darinda sifat logon mein

main baithta hi nahin wahiyat logon mein

nahin tawil mire ashnaon ki fehrist

main jana jata hun bas panch sat logon mein

khuda ka shukr sukhan raigan nahin mera

suni gai hai miri bat bat logon mein

mujhe bhi chhor ke jana hai ek roz jahan

mira shumar bhi hai be sabat logon mein

mujhe khuda pe mukammal yaqin hai mire dost

main dhundhta nahin rah-e-najat logon mein

ye ishq main ne chhupa kar kiya tha so us ki

bayan kaise karun mushkilat logon mein

ye kya bana hun mohabbat ka main shajar sahab

bikhar gaya hai mira pat pat logon mein