یادوں کی قندیل جلانا کتنا اچھا لگتا ہے

یادوں کی قندیل جلانا کتنا اچھا لگتا ہے

خوابوں کو پلکوں پہ سجانا کتنا اچھا لگتا ہے

تیری طلب میں پتھر کھانا کتنا اچھا لگتا ہے

خود بھی رونا سب کو رلانا کتنا اچھا لگتا ہے

ہم کو خبر ہے شہر میں اس کے سنگ ملامت ملتے ہیں

پھر بھی اس کے شہر میں جانا کتنا اچھا لگتا ہے

جرم محبت کی تاریخیں ثبت ہیں جن کے دامن پر

ان لمحوں کو دل میں بسانا کتنا اچھا لگتا ہے

حال سے اپنے بیگانے ہیں مستقبل کی فکر نہیں

لوگو یہ بچپن کا زمانا کتنا اچھا لگتا ہے

آج کا یہ اسلوب غزل بھی قدر کے قابل ہے لیکن

میرؔ کا وہ انداز پرانا کتنا اچھا لگتا ہے

قدر شناس شعر و سخن ہوتے ہیں جہاں پر اے تابشؔ

اس محفل میں شعر سنانا کتنا اچھا لگتا ہے

yadon ki qindil jalana kitna achchha lagta hai

khwabon ko palkon pe sajana kitna achchha lagta hai

teri talab mein patthar khana kitna achchha lagta hai

khud bhi rona sab ko rulana kitna achchha lagta hai

ham ko khabar hai shahr mein us ke sang malamat milte hain

phir bhi us ke shahr mein jana kitna achchha lagta hai

jurm-e-mohabbat ki tarikhen sabt hain jin ke daman par

in lamhon ko dil mein basana kitna achchha lagta hai

hal se apne begane hain mustaqbil ki fikr nahin

logo ye bachpan ka zamana kitna achchha lagta hai

aj ka ye uslub ghazal bhi qadar ke qabil hai lekin

mir ka wo andaz purana kitna achchha lagta hai

qadar shanas sher-o-sukhan hote hain jahan par ai tabish

is mahfil mein sher sunana kitna achchha lagta hai