Arooz is now on the App Store, for iPhone and iPad. Download →

All poetry

ہو کے باریک مل رہی ہے مجھے

Ejaaz tawakkal (b. 1962)

ہو کے باریک مل رہی ہے مجھے

ہر خبر ویک مل رہی ہے مجھے

خوش بہت ہیں ہم ایک دوسرے سے

زندگی ٹھیک مل رہی ہے مجھے

پھول ہے عشق کا سہولت کار

اس سے تحریک مل رہی ہے مجھے

مطمئن ہوں کے صاحبو ہر چیز

گھر کے نزدیک مل رہی ہے مجھے

مہ وشوں کو دعائیں دیتا ہوں

حسن کی بھیک مل رہی ہے مجھے

میں تیقن کی کھوج میں تھا میاں

اور تشکیک مل رہی ہے مجھے