یہ بھی ممکن ہے میاں آنکھ بھگونے لگ جاؤں

یہ بھی ممکن ہے میاں آنکھ بھگونے لگ جاؤں

وہ کہے کیسے ہو تم اور میں رونے لگ جاؤں

اے مری آنکھ میں ٹھہرائے ہوئے وصل کے خواب

میں تواتر سے ترے ساتھ نہ سونے لگ جاؤں

مجھ کو ہر چیز میسر ہے محبت میں سو اب

رائیگانی میں ترے داغ نہ دھونے لگ جاؤں

اتنی خوش فہمی میں نقصان نہ ہو جائے کہیں

میں کوئی پائی ہوئی چیز نہ کھونے لگ جاؤں

جا بہ جا بکھرے ہوئے ہیں مرے خواب اور خیال

میں یہ سامان کہیں اور نہ ڈھونے لگ جاؤں

جھیل میں پاؤں اتارے ہیں کسی نے اعجازؔ

کیوں نہ اب میں بھی یہاں ہاتھ ڈبونے لگ جاؤں

ye bhi mumkin hai miyan ankh bhigone lag jaun

wo kahe kaise ho tum aur main rone lag jaun

ai miri ankh mein thahrae hue wasl ke khwab

main tawatar se tire sath na sone lag jaun

mujh ko har chiz muyassar hai mohabbat mein so ab

raigani mein tire dagh na dhone lag jaun

itni khush fahmi mein nuqsan na ho jae kahin

main koi pai hui chiz na khone lag jaun

ja ba ja bikhre hue hain mire khwab aur khayal

main ye saman kahin aur na dhone lag jaun

jhil mein paon utare hain kisi ne ejaz

kyun na ab main bhi yahan hath dubone lag jaun