دعاؤں کے دیے جب جل رہے تھے

دعاؤں کے دیے جب جل رہے تھے

مرے غم آنسوؤں میں ڈھل رہے تھے

کسی نیکی کا سایہ تھا سروں پر

جو لمحے آفتوں کے ٹل رہے تھے

ہوا احساس یہ آدھی صدی بعد

یہاں پر صرف رستے چل رہے تھے

وطن کی عظمتوں کو ڈسنے والے

وطن کی آستیں میں پل رہے تھے

بہت نزدیک تھی منزل ہماری

مگر سب راستے دلدل رہے تھے

نہیں بدلے ابھی منصف یہاں کے

وہی ہیں فیصلے جو کل رہے تھے

جہاں فیضان آبادی بہت ہے

وہاں پر بھی گھنے جنگل رہے تھے

duaon ke diye jab jal rahe the

mire gham ansuon mein dhal rahe the

kisi neki ka saya tha saron par

jo lamhe afaton ke tal rahe the

hawa ehsas ye adhi sadi baad

yahan par sirf raste chal rahe the

watan ki azmaton ko dasne wale

watan ki astin mein pal rahe the

bahut nazdik thi manzil hamari

magar sab raste daldal rahe the

nahin badle abhi munsif yahan ke

wahi hain faisle jo kal rahe the

jahan faizan abadi bahut hai

wahan par bhi ghane jangal rahe the