نئے شہروں کی جب بنیاد رکھنا

نئے شہروں کی جب بنیاد رکھنا

پرانے شہر بھی آباد رکھنا

پڑی ہو پاؤں میں زنجیر پھر بھی

ہمیشہ ذہن کو آزاد رکھنا

کسی کی یاد جب شدت سے آئے

بہت مشکل ہے خود کو یاد رکھنا

دکھوں نے جڑ پکڑ لی میرے اندر

ضروری تھا کوئی ہم زاد رکھنا

خدایا شاخ پر کلیاں کھلانا

کوئی پودا نہ بے اولاد رکھنا

پڑھاؤ ڈالنے والو ہمیشہ

گزشتہ ہجرتوں کو یاد رکھنا

کہیں بھی گھر بسا لینا جہاں میں

مگر اپنے وطن کو یاد رکھنا

nae shahron ki jab buniyad rakhna

purane shahr bhi abad rakhna

pari ho paon mein zanjir phir bhi

hamesha zehn ko azad rakhna

kisi ki yad jab shiddat se ae

bahut mushkil hai khud ko yad rakhna

dukhon ne jur pakar li mere andar

zaruri tha koi ham zad rakhna

khudaya shakh par kaliyan khilana

koi pauda na be aulad rakhna

parhao dalne walo hamesha

guzishta hijraton ko yad rakhna

kahin bhi ghar basa lena jahan mein

magar apne watan ko yad rakhna