کھلا ہوا ترا چہرہ گلاب کا سا تھا

کھلا ہوا ترا چہرہ گلاب کا سا تھا

اور اس پہ نور کسی ماہتاب کا سا تھا

بہار کی کوئی توجیہہ اور کیا کیجے

تمام رنگ تمہارے شباب کا سا تھا

تمام شہر تمنا میں گھوم کر دیکھا

وہی سماں دل خانہ خراب کا سا تھا

ترے قریب تو خود سے بعید ہو کے رہے

تمہارا لطف تمہارے عتاب کا سا تھا

وہ ایک پل جو تمہارے بغیر بیت گیا

وہ ایک پل بھی تو یوم حساب کا سا تھا

khula hua tira chehra gulab ka sa tha

aur us pe nur kisi mahtab ka sa tha

bahar ki koi taujiha aur kya kije

tamam rang tumhare shabab ka sa tha

tamam shahr-e-tamanna mein ghum kar dekha

wahi saman dil khana kharab ka sa tha

tire qarib to khud se baid ho ke rahe

tumhara lutf tumhare itab ka sa tha

wo ek pal jo tumhare baghair bit gaya

wo ek pal bhi to yaum-e-hisab ka sa tha