حدیث شوق کہیں یا کریں حیات کی بات

حدیث شوق کہیں یا کریں حیات کی بات

ہر ایک بات تری چشم التفات کی بات

خزاں کا ذکر بھلا موسم بہار میں کیا

طلوع صبح درخشاں میں کیسی رات کی بات

حدیث درد و الم کو اگر الگ کر لیں

تو کس زباں سے کریں کرب کائنات کی بات

بہار مے کدہ و ساقی و شراب و شباب

کوئی سنے تو کہیں دل کے واردات کی بات

غم حیات کا درماں نہ کر سکے لیکن

بہت ہی غور سے سنتے رہے حیات کی بات

رہ طلب میں نشیب و فراز منزل کی

انہیں خبر جو سمجھتے ہیں حادثات کی بات

میں اپنے ہوش بھی قائم نہ رکھ سکا جب فیضؔ

وہ ایک رات کا قصہ ہے ایک رات کی بات

hadis-e-shauq kahin ya karen hayat ki bat

har ek bat tiri chashm-e-iltifat ki bat

khizan ka zikr bhala mausam-e-bahar mein kya

tulu-e-subh-e-darakhshan mein kaisi rat ki bat

hadis-e-dard-o-alam ko agar alag kar len

to kis zaban se karen karb-e-kainat ki bat

bahar-e-mai kada-o-saqi-o-sharab-o-shabab

koi sune to kahin dil ke wardat ki bat

gham-e-hayat ka darman na kar sake lekin

bahut hi ghaur se sunte rahe hayat ki bat

rah-e-talab mein nasheb-o-faraz manzil ki

unhen khabar jo samajhte hain hadsat ki bat

main apne hosh bhi qaim na rakh saka jab faiz

wo ek rat ka qissa hai ek rat ki bat