حدیث زندگی سنتے رہے ہیں

حدیث زندگی سنتے رہے ہیں

بڑی مدت سے سر دھنتے رہے ہیں

ہوئے ہیں پاش اک ضرب فنا سے

جو سپنے عمر بھر بنتے رہے ہیں

بھرا پھولوں سے تھا گلشن کا دامن

مگر ہم خار ہی چنتے رہے ہیں

رباب وقت نے چھیڑا ترانہ

جسے ہم ڈوب کر سنتے رہے ہیں

سر رہ ہر قدم بکھرے تھے کانٹے

جنہیں پلکوں سے ہم چنتے رہے ہیں

عروس شاعری تیرے لیے ہم

سخن کے پھول ہی چنتے رہے ہیں

سنا فیضؔ حزیں تیرا فسانہ

جو اہل دل تھے سر دھنتے رہے ہیں

hadis-e-zindagi sunte rahe hain

bari muddat se sar dhunte rahe hain

hue hain pash ik zarb-e-fana se

jo sapne umr bhar bante rahe hain

bhara phulon se tha gulshan ka daman

magar ham khar hi chunte rahe hain

rabab-e-waqt ne chhera tarana

jise ham dub kar sunte rahe hain

sar-e-rah har qadam bikhre the kante

jinhen palkon se ham chunte rahe hain

urus-e-shayari tere liye ham

sukhan ke phul hi chunte rahe hain

suna faiz-e-hazin tera fasana

jo ahl-e-dil the sar dhunte rahe hain