آپ کے شہر میں آنے والے

آپ کے شہر میں آنے والے

یعنی خود جان سے جانے والے

سوچتا رہتا ہوں کیسے ہوں گے

حال دل دل میں چھپانے والے

بھول جانا تری عادت ہی سہی

ہم نہیں تجھ کو بھلانے والے

ہم چٹانوں کی طرح قائم ہیں

کچھ کہیں ہم کو زمانے والے

میری تقدیر کے بھی مالک ہیں

فیضؔ بگڑی کو بنانے والے

ap ke shahr mein ane wale

yaani khud jan se jane wale

sochta rahta hun kaise honge

hal-e-dil dil mein chhupane wale

bhul jana tiri adat hi sahi

ham nahin tujh ko bhulane wale

ham chatanon ki tarah qaim hain

kuchh kahin ham ko zamane wale

meri taqdir ke bhi malik hain

faiz bigri ko banane wale