میں پاسبان باغ حقیقت سے ڈر گیا

میں پاسبان باغ حقیقت سے ڈر گیا

سو دشت دل کی خاک اڑانے سے مر گیا

بہتا رہا میں ساحل دنیا کی ریت پر

آخر بدن کی خاک سمیٹی تو گھر گیا

کچھ تو مرے سخن کی حرارت سے کھل اٹھا

کچھ میں ترے جمال کے صدقے سنور گیا

پہلے تو خیر دل میں تری گرد یاد تھی

پر اب تو وہ غبار بھی دل سے اتر گیا

آواز دے رہے ہیں مجھے وحشیان شہر

اور بین کر رہے ہیں کہ فہمیؔ کدھر گیا

main pasban bagh haqiqat se dar gaya

so dasht-e-dil ki khak urane se mar gaya

bahta raha main sahil-e-duniya ki ret par

akhir badan ki khak sameti to ghar gaya

kuchh to mire sukhan ki hararat se khul utha

kuchh main tire jamal ke sadqe sanwar gaya

pahle to khair dil mein tiri gard yad thi

par ab to wo ghubar bhi dil se utar gaya

awaz de rahe hain mujhe wahshiin shahr

aur bain kar rahe hain ke fahmi kidhar gaya