کوئی جہاں میں صاحب ایماں نہ بن سکا

کوئی جہاں میں صاحب ایماں نہ بن سکا

تف ہے کہ عشق مذہب انساں نہ بن سکا

تا عمر طفل دل پہ یتیمی کا کرب تھا

کوشش تو کی مگر میں کبھی ماں نہ بن سکا

یعنی جنوں کے باب میں بھی انتخاب تھا

جو بحر بن گیا وہ بیاباں نہ بن سکا

شہر خرد کے باب حقیقت کا ہر خیال

دشت گماں کی راہ کا امکاں نہ بن سکا

یہ خار زار سب کا گلستاں تو بن گیا

یہ خار زار میرا گلستاں نہ بن سکا

koi jahan mein sahab-e-iman na ban saka

taf hai ke ishq mazhab-e-insan na ban saka

ta umr tifl-e-dil pe yatimi ka karb tha

koshish to ki magar main kabhi man na ban saka

yaani junun ke bab mein bhi intikhab tha

jo bahr ban gaya wo bayaban na ban saka

shahr-e-khirad ke bab haqiqat ka har khayal

dasht-e-guman ki rah ka imkan na ban saka

ye khar zar sab ka gulistan to ban gaya

ye khar zar mera gulistan na ban saka