عشق کی آج انتہا کر دو
Faisal Fehmiعشق کی آج انتہا کر دو
روح کو جسم سے جدا کر دو
ہے خلاصہ یہی محبت کا
ہو جو اچھا اسے برا کر دو
یہ جو آنکھوں سے خون جاری ہے
اس کو ہاتھوں کی تم حنا کر دو
وقت رخصت گلے لگا لینا
آخری بار یہ خطا کر دو
تم مجھے چھوڑ کیوں نہیں دیتی
اپنے حق میں تو فیصلہ کر دو
شبنمی رات کے اندھیرے کو
برہنہ جسم کی قبا کر دو
اب اٹھا دو نقاب چہرے سے
رات کو چاند سے خفا کر دو
ہے کہ دشوار زندگی فہمیؔ
خود کو بیمار با خدا کر دو
ishq ki aj intiha kar do
ruh ko jism se juda kar do
hai khulasa yahi mohabbat ka
ho jo achchha use bura kar do
ye jo ankhon se khun jari hai
us ko hathon ki tum hina kar do
waqt-e-rukhsat gale laga lena
akhiri bar ye khata kar do
tum mujhe chhor kyun nahin deti
apne haq mein to faisla kar do
shabnami rat ke andhere ko
barhana jism ki qaba kar do
ab utha do naqab chehre se
rat ko chand se khafa kar do
hai ke dushwar zindagi fahmi
khud ko bimar ba khuda kar do