ہر لمحۂ موجود کے امکان سے پہلے

ہر لمحۂ موجود کے امکان سے پہلے

اک میں ہی یقینی تھا ترے گیان سے پہلے

ہوتی ہے جو اب رات تو ہو میری بلا سے

میں ڈوب گیا رات کے اعلان سے پہلے

بس چھو کے پلٹ آتا ہوں اس باغ بدن کو

پڑتا ہے ذرا روح کے زندان سے پہلے

تاریک سرابوں کی چکا چوند میں گم صم

تھا سخت مسلمان میں ایمان سے پہلے

آتی ہے صدا کن کی تو کہتا ہوں کہ زمزم

کچھ مشورہ کر حضرت انسان سے پہلے

har lamha-e-maujud ke imkan se pahle

ik main hi yaqini tha tire giyan se pahle

hoti hai jo ab rat to ho meri bala se

main dub gaya rat ke elan se pahle

bas chhu ke palat ata hun is bagh badan ko

parta hai zara ruh ke zindan se pahle

tarik sarabon ki chuka chaund mein gum sum

tha sakht musalman mein iman se pahle

ati hai sada kin ki to kahta hun ke zamzam

kuchh mashwara kar hazrat-e-insan se pahle