نیند کا رس فضا میں گھولو ہو

نیند کا رس فضا میں گھولو ہو

اے میاں کیا زبان بولو ہو

میرے حالات پر ہیں تنقیدیں

تم کبھی خود کو بھی ٹٹولو ہو

آہ فریاد نالہ و شیون

ایسے عالم میں کیسے سو لو ہو

یہ بتاؤ کہ یاد میں اس کی

تم بھی دامن کبھی بھگو لو ہو

رخ ہوا کا جدھر کو ہوتا ہے

کیوں اسی سمت تم بھی ہو لو ہو

غم کی شدت ہے موت کا ساماں

تم یہ اچھا کرو ہو رو لو ہو

nind ka ras faza mein gholo ho

ai miyan kya zaban bolo ho

mere halat par hain tanqiden

tum kabhi khud ko bhi tatolo ho

ah fariyad nala-o-shewan

aise alam mein kaise so lo ho

ye batao ke yad mein us ki

tum bhi daman kabhi bhigo lo ho

rukh hawa ka jidhar ko hota hai

kyun usi samt tum bhi ho lo ho

gham ki shiddat hai maut ka saman

tum ye achchha karo ho ro lo ho