اک نظر مڑ کے مجھے دیکھ اے جانے والے

اک نظر مڑ کے مجھے دیکھ اے جانے والے

یہ جو لمحے ہیں کبھی پھر نہیں آنے والے

کتنی پاکیزہ جگہ ہے کہ جہاں پر لوگوں

اہل مقتل ہیں مری لاش جلانے والے

غم دوراں کے مصائب کا مداوا کیا ہے

عشق بس عشق بتاتے ہیں بتانے والے

یہی سب لوگ ہیں ان سب نے مرا قتل کیا

یہ مری قبر کو پھولوں سے سجانے والے

میں نے یہ بات بہت دیر سے جانی فہمیؔ

سارے وعدے نہیں ہوتے ہیں نبھانے والے

ik nazar mur ke mujhe dekh ai jane wale

ye jo lamhe hain kabhi phir nahin ane wale

kitni pakiza jagah hai ke jahan par logon

ahl-e-maqtal hain miri lash jalane wale

gham-e-dauran ke masaib ka mudawa kya hai

ishq bas ishq batate hain batane wale

yahi sab log hain un sab ne mira qatl kiya

ye miri qabr ko phulon se sajane wale

main ne ye bat bahut der se jani fahmi

sare waade nahin hote hain nibhane wale