اب تو چراغ فکر جلاتا نہیں کوئی

اب تو چراغ فکر جلاتا نہیں کوئی

سوز یقیں کی بزم سجاتا نہیں کوئی

پتھراؤ ہو رہا ہے ہمارے مکان پر

کیا جرم ہو گیا ہے بتاتا نہیں کوئی

اپنے پڑوسیوں کی حفاظت کے واسطے

راتوں کی میٹھی نیند گنواتا نہیں کوئی

غم تو کہانیوں کی طرح سب نے سن لیا

لیکن کوئی علاج بتاتا نہیں کوئی

جب سے تری گلی کا پتا مل گیا ہمیں

شہر ہوس کی سمت بلاتا نہیں کوئی

آبادیوں میں گھر کا بنانا تو سہل ہے

ویران بستیوں کو بساتا نہیں کوئی

ab to charagh-e-fikr jalata nahin koi

soz-e-yaqin ki bazm sajata nahin koi

pathrao ho raha hai hamare makan par

kya jurm ho gaya hai batata nahin koi

apne parosiyon ki hifazat ke waste

raton ki mithi nind ganwata nahin koi

gham to kahaniyon ki tarah sab ne sun liya

lekin koi ilaj batata nahin koi

jab se tiri gali ka pata mil gaya hamen

shahr-e-hawas ki samt bulata nahin koi

abadiyon mein ghar ka banana to sahl hai

wiran bastiyon ko basata nahin koi