نظام فکر نے بدلا ہی تھا سوال کا رنگ

نظام فکر نے بدلا ہی تھا سوال کا رنگ

جھلک اٹھا کئی چہروں سے انفعال کا رنگ

نہ گل کدوں کو میسر نہ چاند تاروں کو

ترے وصال کی خوشبو ترے جمال کا رنگ

ذرا سی دیر کو چہرے دمک تو جاتے ہیں

خوشی کا رنگ ہو یا ہو غم و ملال کا رنگ

زمانہ اپنی کہانی سنا رہا تھا ہمیں

ابھر گیا مگر آغاز میں مآل کا رنگ

اسیر وقت ہے تو میں ہوں وقت سے آزاد

ترے عروج سے اچھا مرے زوال کا رنگ

بسان تختۂ گل میری فکر ہے آزاد

مثال قوس قزح ہے مرے خیال کا رنگ

nizam-e-fikr ne badla hi tha sawal ka rang

jhalak utha kai chehron se infial ka rang

na gul kadon ko muyassar na chand taron ko

tire wisal ki khushbu tire jamal ka rang

zara si der ko chehre damak to jate hain

khushi ka rang ho ya ho gham-o-malal ka rang

zamana apni kahani suna raha tha hamen

ubhar gaya magar aghaz mein maal ka rang

asir-e-waqt hai to main hun waqt se azad

tire uruj se achchha mire zawal ka rang

basan-e-takhta-e-gul meri fikr hai azad

misal-e-qaus-e-quzah hai mire khayal ka rang