چار سو ہے بڑی وحشت کا سماں

چار سو ہے بڑی وحشت کا سماں

کسی آسیب کا سایہ ہے یہاں

کوئی آواز سی ہے مرثیہ خواں

شہر کا شہر بنا گورستاں

ایک مخلوق جو بستی ہے یہاں

جس پہ انساں کا گزرتا ہے گماں

خود تو ساکت ہے مثال تصویر

جنبش غیر سے ہے رقص کناں

کوئی چہرہ نہیں جز زیر نقاب

نہ کوئی جسم ہے جز بے دل و جاں

علما ہیں دشمن فہم و تحقیق

کودنی شیوۂ دانش منداں

شاعر قوم پہ بن آئی ہے

کذب کیسے ہو تصوف میں نہاں

لب ہیں مصروف قصیدہ گوئی

اور آنکھوں میں ہے ذلت عریاں

سبز خط عاقبت و دیں کے اسیر

پارسا خوش تن و نو خیز جواں

یہ زن نغمہ گر و عشق شعار

یاس و حسرت سے ہوئی ہے حیراں

کس سے اب آرزوئے وصل کریں

اس خرابے میں کوئی مرد کہاں

char su hai bari wahshat ka saman

kisi aseb ka saya hai yahan

koi awaz si hai marsiya khwan

shahr ka shahr bana gorsitan

ek makhluq jo basti hai yahan

jis pe insan ka guzarta hai guman

khud to sakit hai misal-e-taswir

jumbish-e-ghair se hai raqs kunan

koi chehra nahin juz zer-e-naqab

na koi jism hai juz be dil-o-jan

ulama hain dushman fahm-o-tahqiq

kudni shewa-e-danish mandan

shayar-e-qaum pe ban ai hai

kizb kaise ho tasawwuf mein nihan

lab hain masruf qasida goi

aur ankhon mein hai zillat uryan

sabz khat aqibat-o-din ke asir

parsa khush tan-o-nau khez jawan

ye zan-e-naghma gar-o-ishq shiar

yas-o-hasrat se hui hai hairan

kis se ab arzu-e-wasl karen

is kharabe mein koi mard kahan