جو مجھ میں چھپا میرا گلا گھونٹ رہا ہے

جو مجھ میں چھپا میرا گلا گھونٹ رہا ہے

یا وہ کوئی ابلیس ہے یا میرا خدا ہے

جب سر میں نہیں عشق تو چہرے پہ چمک ہے

یہ نخل خزاں آئی تو شاداب ہوا ہے

کیا میرا زیاں ہے جو مقابل ترے آ جاؤں

یہ امر تو معلوم کہ تو مجھ سے بڑا ہے

میں بندہ و ناچار کہ سیراب نہ ہو پاؤں

اے ظاہر و موجود مرا جسم دعا ہے

ہاں اس کے تعاقب سے مرے دل میں ہے انکار

وہ شخص کسی کو نہ ملے گا نہ ملا ہے

کیوں نور ابد دل میں گزر کر نہیں پاتا

سینے کی سیاہی سے نیا حرف لکھا ہے

jo mujh mein chhupa mera gila ghunt raha hai

ya wo koi iblis hai ya mera khuda hai

jab sar mein nahin ishq to chehre pe chamak hai

ye nakhl-e-khizan ai to shadab hua hai

kya mera ziyan hai jo muqabil tire a jaun

ye amar to maalum ke tu mujh se bara hai

main banda-o-nachar ke sairab na ho paon

ai zahir-o-maujud mira jism dua hai

han us ke taaqub se mire dil mein hai inkar

wo shakhs kisi ko na milega na mila hai

kyun nur abad dil mein guzar kar nahin pata

sine ki siyahi se naya harf likha hai