ہم ایک دن نکل آئے تھے خواب سے باہر

ہم ایک دن نکل آئے تھے خواب سے باہر

سو ہم نے رنج اٹھائے حساب سے باہر

اسی امید پہ گزری ہے زندگی ساری

کبھی تو ہم سے ملوگے حجاب سے باہر

تمہاری یاد نکلتی نہیں مرے دل سے

نشہ چھلکتا نہیں ہے شراب سے باہر

کسی کے دل میں اترنا ہے کار لا حاصل

کہ ساری دھوپ تو ہے آفتاب سے باہر

شناسؔ کھول دیئے جس نے ہم پہ سب اسرار

وہ ایک لفظ ملا ہے کتاب سے باہر

ham ek din nikal ae the khwab se bahar

so ham ne ranj uthae hisab se bahar

isi umid pe guzri hai zindagi sari

kabhi to ham se miloge hijab se bahar

tumhari yad nikalti nahin mire dil se

nasha chhalakta nahin hai sharab se bahar

kisi ke dil mein utarna hai kar la hasil

ke sari dhup to hai aftab se bahar

shanas khol diye jis ne ham pe sab asrar

wo ek lafz mila hai kitab se bahar