بدن کو خاک کیا اور لہو کو آب کیا

بدن کو خاک کیا اور لہو کو آب کیا

پھر اس کے بعد مرتب نیا نصاب کیا

تھکن سمیٹ کے صدیوں کی جب گرے خود پر

تجھے خود اپنے ہی اندر سے بازیاب کیا

پھر اس کے بعد ترے عشق کو لگایا گلے

ہر ایک سانس کو اپنے لیے عذاب کیا

اگر وجود میں آ کر اسے نہ ملنا تھا

ہمیں کیوں بھیج کے اس دہر میں خراب کیا

اسی نے چاند کے پہلو میں اک چراغ رکھا

اسی نے دشت کے ذروں کو آفتاب کیا

badan ko khak kiya aur lahu ko ab kiya

phir is ke baad murattib naya nisab kiya

thakan samet ke sadiyon ki jab gire khud par

tujhe khud apne hi andar se bazyab kiya

phir is ke baad tire ishq ko lagaya gale

har ek sans ko apne liye azab kiya

agar wajud mein a kar use na milna tha

hamen kyun bhej ke is dahr mein kharab kiya

usi ne chand ke pahlu mein ik charagh rakha

usi ne dasht ke zarron ko aftab kiya