دل تباہ کو اب تک نہیں یقیں آیا

دل تباہ کو اب تک نہیں یقیں آیا

کہ شام بیت گئی اور تو نہیں آیا

جہاں سے میں نے کیا تھا کبھی سفر آغاز

میں خاک دھول ہوا لوٹ کر وہیں آیا

وہ جس کے ہاتھ سے تقریب دل نمائی تھی

ابھی وہ لمحۂ موجود میں نہیں آیا

بس ایک بار مری نیند چھو گیا کوئی

پھر اس کے بعد ہر اک خواب دل نشیں آیا

بچھڑ کے تجھ سے تری یاد بھی نہیں آئی

مکاں کی سمت پلٹ کر مکیں نہیں آیا

dil-e-tabah ko ab tak nahin yaqin aya

ke sham-e-bit gai aur to nahin aya

jahan se main ne kiya tha kabhi safar aghaz

main khak dhul hua laut kar wahin aya

wo jis ke hath se taqrib-e-dil numai thi

abhi wo lamha-e-maujud mein nahin aya

bas ek bar miri nind chhu gaya koi

phir is ke baad har ik khwab dil nashin aya

bichhar ke tujh se tiri yad bhi nahin ai

makan ki samt palat kar makin nahin aya